مشكلتنا 

إننا بنستنى زيادة من الناس اللى قدامنا

بنتوقع زى ما بنديهم .. ناخد منهم

بنستنى تصرف او كلام معين فى وقت معين

وناسين انهم لو احساسهم زينا

هيعملوا التصرف ده من قبل ما نطلب إحنا

*****

عاملة زى اللى قامت من دور برد جامد

بقاله سنين

ومينفعش تقف قدام الهوا عشان متتنكسش

والناس اللى حواليها مصممين يبقوا زعابيب أمشير

عـارف يـعـنـى إيـه أقـولـك خـايـفـة

ولـمـا تـقـولـى إطـمـنـى

أخـاف أكـتـر

!!

هـى مـش رفـضـــاك

ولا قـَـبــلاك

كُـل مـا فـى الأمـر

إنـها مـبـقـتـش حَـســـاك

ولا حــاسـه غــيـرك

وده الـلـى انـت مـش قـادر تــفــهــمـه

21

So ... what's next ?!

11 - 02 - 2011

مشفش الرجال السمر الشداد .. فوق كل المحن

ولا شاف العناد فى عيون الولاد .. وتحدى الزمن

ولا شاف إصرار فى عيون البشر

بيقول أحرار ولازم ننتصر

أصله ما عداش على مصر

 :)

عـــارف

حـلـوة أوي ضـحـكـتـك

لـكـنـهـا بــتـكــشــفــك

وتـقـول إنـك مــوجـــوع

******

عــلي ســـلامه

لا تـزال تـبـحـث عـن سـبـب إنـجـذابـهـا لـهـذه الـنـوعـيـة مـن الـناس

لـمـاذا يـصعُـب عـلـيـهـا الإعـجـاب بـالـكُـتـب الـتـى تُـقـرأ بـسـهـولـه ؟؟

فـهـى تُـفـضـل دائـمـاً أن تـبـحـث عـن الألـغـاز 


 وتُـضـيـع وقـتـهـا فـى حـل بـعـضٌ مـنـهـا .. أو فـى الأغـلـب جـمـيـعـُهـا

فـهـى لا تـكـره شـيـئـاً سـوى إحـسـاسُـهـا بـالـفـشـل

فـهـل هـذه هـى لـعـنـةٌ الـفـضـول الأنـسـانـى الـتـى تـسـتـوحـى عـلـيـهـا ؟

أم إنـهـا مُـجـرد إشـارات تـحـذيـريـة لـكـى تُـغـيـر إتـجـاهـهـا بـعـد هـزيـمـتـهـا كـل مـرة

لـمـاذا كـل هـذا الإصـرار عـلـى الـتـعـلـق بـالأشـيـاء الـغـيـر مُـتـاحـه دائـمـاً

لـمـاذا تـبـذُل كـل هـذا الـجـهـد فـى مُـحـاولـة إكـتـشـاف الأرقـام الـسـريـة لـلـكُـتـب الـتـى يـعـجـبُـهـا غـلافُـهـا


 رغـم إنـهـا بـعـد ذلـك قـد تُـنـبـأ بـرخـص مُـحـتـواهـا

دائـمـاً مـا يـخـفـون وراء ألـغـازهـم وصـمـتـهـم أعـاصـيـر مُـدمـرة

ولـكـن لـلـحـظـه تـذكـرتُ إنـكِ تـعـشـقـيـن الأعـاصـيـر

فـهـى تـهُـزكِ حـقـاً .. وتـدمـرك أحـيـانـاً أخـرى

ولـكـنـهـا تُـعـطـيـكِ لـذة مـا 


 لـذة لا نـسـتـطـيـع فـهـمـهـا مـعـاً .. ولا أحـد يـسـتـطـيـع

هـل كـان الـصـمـت الـنـابـع مـن حُـزن مـا هـو مـا يـجـعـلـكِ تـُحـاولـيـن .. ثـم تُـحـاولـيـن حـل الـلـغـز ؟

أم هـو صـمـت عُـقـدة مـا تـنـتـظـر الأشـارة لـتـعـلـن بـضـجـيـجٍ عـن ثـورتـهـا فـى وجـهـك ؟ 


ضـجـيـجٍ لا يـسـمـعـهُ سـواكِ

فـلـكـم تَـعـبـتُ لــكِ ... وتَـعـبـتُ مـنــكِ

ولـكـن إلـى حـيـن أيـجـاد الأجـابـة


 ألـم يـحـن وقـت الأنـعـزال الـوجـدانـى ؟

وقـت حـل ألـغـازكِ أنـتِ ؟

وقـت الأسـتـراحـة .. ولـو قـلـيـلاً ؟

أضـغـاث أحـلام

أحـب وضـعـهـا فـى قـفـص حـديـدى

لـكـنـهـا تـسـتـمـتـع بـالـخـروج مـن بـيـن الـقـضـبـان

لـتـسـيـر أمـامـى مـنـتـصـره .. وتـقـفـز فـى عـقـلـى مـجـدداً

تـظـل تـعـرض أمـامـى صـوراً لـلـقـطـات مـاضـيـه

كـيـف كـنـا سـعـداء وكـيـف رسـمـنـا أحـلامـنـا

ولـكـنـهـا فـى الـنـهـايـه تـظـل ثـابـتـه عـلـى لـقـطـه واحـده

عـيـن بـاكـيـه تـنـظـر إلـى الـمـجـهـول

وقـد خـلـفـت ورائـهـا طـريـق لا يـمـكـن الـرجـوع إلـيـه

طـريـق يـسـيـر فـيـه شـخـصـاً .. لا يـنـظـر أبـداً إلـى الـخـلـف

..............

كـانـوا أطـفـالا

يـتـصـرفـون بـسـذاجـه ويـضـحـكـون مـن أعـمـاقـهـم الـطـاهـره

لـم يـعرفـوا مـعـنـى الـكـره أو الـحـقـد

لـم يـفـرق بـيـنـهـم اخـتـلاف الأعـمـار

فـقـد كـانـت بـرائـتـهـم أكـبـر مـن أى شـئ

وسـرعـان مـا تـغـيـرت الـصـوره .. فـقـط بـنـضـج بـعـضـهـم .. الـذى قـتـل بـقـيـتـهـم

............

لـم تـكـن مـثـلـهـم

لـم تـكـن تـمـيـل إلـى تـلـك الـطـبـول والـمـزامـيـر والـفـسـتـان الـذى يـجـعـلـهـا تـشـعـر كـأنـهـا دبـه قـطـبـيـه بـيـضـاء

ورغـم إعـلان الـحـرب عـلـى أفـكـارهـا الـتـى تـعـد بـالـنـسـبـه لـلأخـريـن شـذوذاً عـن الـعـادات الـمـقـدسـه

فـقـد كـانـت سـعـادتـها فـقـط فـى أن يـنـتـهـى هـذا الـيـوم لـيـصـبـحوا مـعـاً فـى بـيـت واحـد بـعـد طـول إنـتـظـار

ولـذلـك رفـضـت كـل هـذه الـطـقـوس الـتـى لا تـعـنيـهـا .. ورفـعـت شـعـار " تـبـاً لـلـجـمـيـع " .. وإخـتـارت أن تـصـبـح عـروسـُه هـو بـمـفـرده

............

قـال لـهـا : انـتِ تـعـلـمـيـن إنـنـى أود الـبـقـاء

لـكـنـى لا أريـد الـتـعـلـق بـكِ مـره أخـرى وأنـا اعـلـم ان الـظـروف لـن تـسـمـح لـنـا بـالأسـتـمـرار

لـذلـك أفـضـل الـعـيـش وحـدى فـى واقـعـى

ولـيـس عـلـيـكِ سـوى أن تـتـعـلـمـى أن الـحـيـاه لا تـعـطـيـنـا مـا نـريـده

بـل تـأخـذ مـنـا كـل مـا نـريـده وتـرمـى إلـيـنـا بـفـضـلات الأحـلام

.............

لـمـاذا يـوبـخـهـا الـكـثـيـرون أثـنـاء صـمـتـهـا ؟؟

ألا يـدرك بـعـضـهـم إنـهـم يـقـاطـعـون مـا تــبـقـى لـهـا مـن أحـــلام ؟!؟

عندما تنهدم الأحلام وتنهار القيم والمبادئ  
ويبقى العقل مشوشآ بين الحقيقة والخيال  
وتنتشر العداوات من كل جانب كى يسقط المرء فريسه للأقاويل

عند الشعور بالوحده التى منذ زمن كانت تمتعنا بوجودها  
لكنها الأن تزيدنا ألام وأوجاع

عند سكون الليل وصفاء السماء وبريق النجوم  
بين فرحه الأختلاء بالنفس وحزن الذكريات الموجعه

عند كل هذه الاشياء .. تتسأل حائرآ

لماذا يكون البعد والتقوقع هو الأختيار الوحيد عندما نريد اتخاذ القرارات

لماذا نصر على الوحده حتى بعد وجود اشخاص نمثل حياتهم ومصدر سعادتهم الوحيده

لماذا نستمر فى وضع الأسوار بيننا وبين العالم الخارجى

لماذا نستمتع بالهروب من الواقع لدرجه وصولنا لخساره من حولنا من احباب  
ألا يعتقد بعضهم انها جريمه فى حق من يحبونهم

هل يستطيع المرء بكل سهوله الظهور والأختفاء فى حياه من حوله دون النظر لأى اعتبار 
 او حتى لمشاعرهم

هل اصبح الهروب فى عصرنا هذا هو الحل الأمثل ؟؟ 
ولماذا نستمر بالأدعاء بأنها فتره نقاهه  
رغم انها "فتره كأبه" ليست علينا فقط بل انها تسبب لكل من حولنا الحزن والضيق

لماذا لا نعبر عن مطالبنا واحتياجتنا بوضوح ؟
لكننا نستمر فى وضع الاقنعه  
فهناك قناع للهروب وقناع للحب وقناع للامبالاه وقناع للشهوه وقناع للجديه ... الخ

وتستمر الأقنعه فى التبادل حتى نمل منهم جميعآ

لم يخلقنا الله كى يتقوقع كل واحد منا بعيد عن الأخر  
بالتأكيد كل إنسان بحاجه إلى فتره استجمام ومصالحه مع النفس 
ولكن إن لم نستطع التفاهم وايجاد الأشياء المشتركه فلا يوجد مبرر لإيذاء من حولنا وجرح مشاعرهم

من الافضل ان نتقوقع للأبد  
بدلآ من جرح مشاعر من يقفون بجانبنا فقط ليرونا نبتسم

Eternal Sunshine of the Spotless Mind

سعات بنتمنى اننا نفقد الذاكره فى بعض الحجات
فى احداث نفسك تصحى من نومك تلاقيها اختفت .. كانها محصلتش اصلا
وسعات بنتمنى ان الزمن يرجع بينا لورا عشان نغير الاحداث دى
فشلت فى حاجه معينه .. قصه حب ملهاش لزمه .. موت حد قريب منك .. الخ الخ


طب لو ده حصل ممكن ساعتها نبقى مبسوطين

ممكن نشيل من ذاكرتنا احداث وبعدها اما نفوق نحس اننا زى ما احنا ونكمل عادى كده
مش ممكن لو مر عليك الاحساس تانى تقول  
انا فاكر انى حسيت الاحساس ده قبل كده بس مش فاكر امتى وازاى


زى اللى اول مره يجيله برد وبعدها بسنه ابتدت اعراض البرد تجيله تانى 
اكيد هيقول يارب الدور ميزيدش اصلى عارف توابعه
هيبقى فاكر احساسه بدور البرد اللى فات بس مش عارف يوصفه

هى الحاجه اللى بتلمس قلوبنا اوى ممكن ننسى احساسنا بيها بسهوله
ممكن نشيلها من دماغنا اه .. بس صعب اوى نشيلها من قلبنا
واكيد لو جاتلنا الفرصه هنكرر نفس الموقف تانى 
عشان العقل حاجه والقلب حاجه تانيه خالص

تخيل انك صحيت من النوم وناسى كل ذكرياتك بحلوها ومرها
هتحس انك ولا حاجه  
من غير ذكرياتك انت ولا حاجه
من غير تاريخك انت شخص مطموس .. ملوش ملامح
عشان الاحداث الحلوه والوحشه هى اللى بتصنع الانسان
.......


You can erase someone from your mind ...
But geeting them out of ur heart is another story :)

20 years !!

عدوا بسرعه اوى

عدوا على الفاضى ومحققتش فيهم اى حاجه

يارب اللى جاى يبقى احسن

...

كعادتها دائمآ

حاولت مرارآ ان لا تجعل حياتها تتوقف على اشخاص بعينهم
او ان تستطيع ان تفارقهم بكل سهوله متى أرادوا
وان تتعود على السير بمفردها بدون الاحتياج لأحد فى طريقها المجهول

ولكنها بكل بساطه مثل كل مرة

فـشــــــلــــــت

.......

سعات بتعدى علينا أوقات
ممكن تكون قصيرة اوووى
لكن بنفضل فاكرينها طول حياتنا
فاكرينها بكل تفاصيلها
حجات ليها تأثير
ممكن نفتكرها ونضحك او ندمع 
او نتمنى ان الوقت يقف عندها وميعديش

اصل اللى جه بعدها .. اصعب

.........................................

سعات بنحب ناس
يستاهلوا او ميستاهلوش مش ده المهم
المهم انهم بيفضلوا محفورين جوانا
علمونا حجات كتيره
ممكن نكون اتجرحنا منهم او جرحناهم
مش هتفرق .. مهو فى طرف اتجرح و السلام
بس عمرنا ما هننساهم


حتى لو مرت علينا ملايين السنين

.................................................

سعات بحس انى بلف فى دايره مقفوله
وان الاحداث بتتكرر هى هى بنفس نهاياتها
بس لحد دلوقتى وبعد سنين مقدرتش اعرف العيب فى مين ولا ايه الغلط
بحاول اغير كل حاجه فى كل مره

بس واضح ان القدر مبيتغيرش

...........................................

سعات بنحاول نغير من اشخاص بنحبهم
نغير من طباعهم او شكلهم
او نديهم دفعه لقدام ممكن تخليهم احسن
حتى لو كان فيها جزء من التضحيه واننا نيجى على نفسنا عشان يبقوا افضل

بس ايه الهدف او ايه النتيجه إذا كان الحد ده نفسه مش عايز يتغير ؟؟

.............................................

ازاى نقدر نواجه الواقع ونتحداه رغم عناده المستمر لينا وتكسيره لأحلامنا
ومعاه احساسنا الداخلى المستمر بالضياع والانكسار
ازاى ننور شمعه فى ليل عاصف وممطر
سعات مبينفعش نعاند اكتر من كده

ممكن نكون ببساطه واقفين فى المكان الغلط

.......................................

فى ناس بتقول ان كل انسان بيبقى ليه جزئين فى حياته
جزء حلو وجزء وحش

يعنى لو عشتت حياتك فى اولها تعب وضيقه 
ربنا هيفتحها عليك ويعوضك فى نصها التانى .. والعكس بردو

هى دى الدنيا .. يا تاخد حلوها الاول يا تاخد الوحش

الغريب بقى ان فى ناس حياتهم اولها بيبقى زى اخرها 
هو مش حرام يعيشوا حياتهم كلها فى شقى

............................................

مش سهل انك تلاقى احساس حلو
ومش سهل انك لو لقيته تقدر تحافظ عليه
خصوصا لو حد من الطرفين جبان
ممكن يكون بيحب لكن معندوش الشجاعه الكافيه عشان يعترف بكده
خصوصا لو كان اتجرح قبل كده

بس هو مش المفروض ان اللى اتجرح وجرب الاحساس ده ميحاولش يجرح ؟؟

..............................................

مره حد سألنى مين قدوتك فى الحياه
فكرت شويه واستغربت جدا
لقتنى مش لاقيه اى حد ممكن اعتبره قدوة
وكان السؤال اللى محيرنى .. ليه ؟؟
كل انسان وهو صغير بيبقى ليه قدوه بتكبر معاه

طب انا ليه مليش ؟؟

الف مبروك

يمكن الفيلم مختلف عن توقعاتنا زى ما عودنا احمد حلمى
هى قصه مش جديده بس بتلمس احساس انسانى هائل

الفيلم قصته بأختصار بتدور حول

شخص انانى مبيفكرش غير فى نفسه وشكله واحتياجاته الخاصه وبس
شخص رافض مجرد النظر لاحوال دنيته او حتى اهله
ناجح فى علاقاته مع الناس وفى شغله والحياه ماشيه تمام
لكن عمره ما فكر فى بعدين 
ولا فى احتياجات الاخرين

عايز يجوز 
ابوه هو المتكفل بيه وبمصاريف جوازه وشقته 
ومش مهم ابوه هيجب الفلوس منين
عمره ما سأل عن امه ولا عن احوالها
عمره ما فكر يصاحب اخته او حتى يسألها مالك
شخص عايش لنفسه وبس

بيبتدى القدر يلعب لعبته معاه
واليوم اللى قبل فرحه بيتمنى امنيه انه يعيش 100 سنه
وتانى يوم اللى هو يوم الفرح 
بيبتدى اليوم يتعاد بنفس الاحداث
لحد ما تيجى الساعه 12 وينتهى اليوم بموته 
ويصحى تانى يوم على نفس الاحداث
وبيفضل كل يوم يغير فى الاحداث علشان يوصل لحل
عشان ينتهى الفيلم بعد اعاده كذا يوم بانه يضحى بنفسه عشان اسرته تعيش



فكره الفيلم اللى المفروض المشاهد يوصلها فى الاخر
هى انه كان شخص انانى جدا .. لكن القدر قرر انه يغير منه
عشان كده كان اليوم بيتعاد 
ولما يبقى فى حاجه متصلحتش او مخدش باله منها بيتعاد تانى
فى اخر يوم قدر " حلمى " انه يغير شخصيته تماما 
ويبقى انسان حنون ومتفاهم وعنده استعداد لمساعده الغير
لكن كان مكتوب عليه انه كده كده هيموت فى يوم فرحه
يعنى القضاء والقدر مش ممكن نغيره لانه هيجى هيجى 
لكن نقدر نغير الواقع ونخلى العالم بتاعنا مختلف
مينفعش نشيل ايدينا من احوال الدنيا ونكبر دماغنا ونقول ادينا عايشين
احنا اللى نقدر نخلى اللحظه اللى بنعيشها حلوه او وحشه

-----------------------


عمرك فكرت انك فى يوم ممكن تصحى من نومك تلاقى اليوم بيتكرر
ممكن تكون دى بعيده شويه
لكن اوقات تعدى علينا فترات ونقول ان التاريخ بيعيد نفسه
يعنى تلاقى احداث حصلت فى حياتك بتتكرر تانى 
ممكن مع اختلاف الشخصيات لكن هى هى نفس الاحداث
نفس المواقف بتتكرر ونفس ردود الافعال 
ونفس الاحباطات والمطبات اللى فى حياتك
ايه فايده ان الاحداث تتكرر ؟؟

هل ده معناه ان الحياه بتنبهنا لحاجه معينه
اننا مثلا بنعالج مشاكلنا بطريقه غلط
او تفكيرنا هو اللى غلط
ولا يمكن هو ده الوقت اللى المفروض تعمل فيه تغير لحياتك وتغير للواقع

طب لو فرضنا انك غيرت الواقع وغيرت الاحداث
او على الاقل حاولت
لكن وصلت النتيجه لنفس المكان
هل ده معناه انك مجبر تعيش الواقع ده حتى لو حاولت تغيره ومعرفتش
ولو ده قدر .. يبقى كان ايه فائده ان الاحداث تتكرر طالما مجبرين نعيشه
اكيد الاحداث بتتكرر عشان نتعلم منها حاجه
لكن لو فرضنا انك اتعلمت وقلت انا هغير دنيتى 
وبرضو وصلت النتيجه لنفس المكان
هل ده معناه ان فى قوه اكبر مننا هى اللى بتتحكم فينا
واننا لازم نتقبل ده بشكل عادى جدا ونتعايش معاه
حد فاهم حاجه ؟؟

------------------------------


مينفعش الواحد يبقى متسرع فى الحكم على الحاجات والشخصيات اللى قدامه
ودى كانت نقطه بيحاول الفيلم يلفت انتباهنا ليها بردو
لازم تسمع من الاطراف اللى قدامك قبل ما تفكر تجرحهم بكلمه او تسئ الظن فيهم
بص حواليك كويس 
اكيد فى ناس بيحبوك بس انت مش واخد بالك من وجودهم
او يمكن محاولتش تهتم بيهم

لازم تفكر بهدوء فى كل المشاكل والحلول
اهم حاجه التفكير .. لان ربنا ميز الانسان بالعقل
والعقل موجود عشان نعرف نفكر وندبر ونخطط 
مش عشان نعيش الدنيا بلامبالاه

------------------



ما اعظم ان تكون غائبآ حاضر
بدلا من ان تكون حاضرآ غائب

كانت اخر جمله قالها حلمى فى الفيلم
فعلا ممكن نكون موجودين بين الناس لكن ملناش اهميه
لكن بيبقى احساس حلو اوى لو غبت لحظه ولقيت الناس لحظوا غيابك
ده معناه انك سبت بصمه جوه قلوبهم وده الاهم
والا هتعيش وتموت وكانك معشتش فى الدنيا
ببساطه مش هتلاقى حد يفتكرك 
سواء كنت حاضر او غايب

-----------

كلمه ل " حلمى " ... انت بجد فناااااان
مع ان الفيلم اوله كوميديا رائعه
الا انك خلتنا نبكى فى اخره
صعب انك تخرج من فيلم اليومين دول وتبقى حاسس انك ممكن تغير حياتك من خلال فكره فى فيلم

.....

كانت ولا تزال تبحث عن سبب مجهول

تنظر الى السماء فى الليل وتبتسم للنجوم

تسمع صوت البلابل فتسبح ربها

وتسأل هل من فرج قريب ؟

تعود الى الماضى .. مندهشه الى ما فات

كم من عمر مضى فى انتظار المعجزات ؟

هل حان الوقت للرحيل

او ليس هناك بديل ؟

اسئله كثيره تحيرها .. اسئله بلا جواب