الف مبروك

يمكن الفيلم مختلف عن توقعاتنا زى ما عودنا احمد حلمى
هى قصه مش جديده بس بتلمس احساس انسانى هائل

الفيلم قصته بأختصار بتدور حول

شخص انانى مبيفكرش غير فى نفسه وشكله واحتياجاته الخاصه وبس
شخص رافض مجرد النظر لاحوال دنيته او حتى اهله
ناجح فى علاقاته مع الناس وفى شغله والحياه ماشيه تمام
لكن عمره ما فكر فى بعدين 
ولا فى احتياجات الاخرين

عايز يجوز 
ابوه هو المتكفل بيه وبمصاريف جوازه وشقته 
ومش مهم ابوه هيجب الفلوس منين
عمره ما سأل عن امه ولا عن احوالها
عمره ما فكر يصاحب اخته او حتى يسألها مالك
شخص عايش لنفسه وبس

بيبتدى القدر يلعب لعبته معاه
واليوم اللى قبل فرحه بيتمنى امنيه انه يعيش 100 سنه
وتانى يوم اللى هو يوم الفرح 
بيبتدى اليوم يتعاد بنفس الاحداث
لحد ما تيجى الساعه 12 وينتهى اليوم بموته 
ويصحى تانى يوم على نفس الاحداث
وبيفضل كل يوم يغير فى الاحداث علشان يوصل لحل
عشان ينتهى الفيلم بعد اعاده كذا يوم بانه يضحى بنفسه عشان اسرته تعيش



فكره الفيلم اللى المفروض المشاهد يوصلها فى الاخر
هى انه كان شخص انانى جدا .. لكن القدر قرر انه يغير منه
عشان كده كان اليوم بيتعاد 
ولما يبقى فى حاجه متصلحتش او مخدش باله منها بيتعاد تانى
فى اخر يوم قدر " حلمى " انه يغير شخصيته تماما 
ويبقى انسان حنون ومتفاهم وعنده استعداد لمساعده الغير
لكن كان مكتوب عليه انه كده كده هيموت فى يوم فرحه
يعنى القضاء والقدر مش ممكن نغيره لانه هيجى هيجى 
لكن نقدر نغير الواقع ونخلى العالم بتاعنا مختلف
مينفعش نشيل ايدينا من احوال الدنيا ونكبر دماغنا ونقول ادينا عايشين
احنا اللى نقدر نخلى اللحظه اللى بنعيشها حلوه او وحشه

-----------------------


عمرك فكرت انك فى يوم ممكن تصحى من نومك تلاقى اليوم بيتكرر
ممكن تكون دى بعيده شويه
لكن اوقات تعدى علينا فترات ونقول ان التاريخ بيعيد نفسه
يعنى تلاقى احداث حصلت فى حياتك بتتكرر تانى 
ممكن مع اختلاف الشخصيات لكن هى هى نفس الاحداث
نفس المواقف بتتكرر ونفس ردود الافعال 
ونفس الاحباطات والمطبات اللى فى حياتك
ايه فايده ان الاحداث تتكرر ؟؟

هل ده معناه ان الحياه بتنبهنا لحاجه معينه
اننا مثلا بنعالج مشاكلنا بطريقه غلط
او تفكيرنا هو اللى غلط
ولا يمكن هو ده الوقت اللى المفروض تعمل فيه تغير لحياتك وتغير للواقع

طب لو فرضنا انك غيرت الواقع وغيرت الاحداث
او على الاقل حاولت
لكن وصلت النتيجه لنفس المكان
هل ده معناه انك مجبر تعيش الواقع ده حتى لو حاولت تغيره ومعرفتش
ولو ده قدر .. يبقى كان ايه فائده ان الاحداث تتكرر طالما مجبرين نعيشه
اكيد الاحداث بتتكرر عشان نتعلم منها حاجه
لكن لو فرضنا انك اتعلمت وقلت انا هغير دنيتى 
وبرضو وصلت النتيجه لنفس المكان
هل ده معناه ان فى قوه اكبر مننا هى اللى بتتحكم فينا
واننا لازم نتقبل ده بشكل عادى جدا ونتعايش معاه
حد فاهم حاجه ؟؟

------------------------------


مينفعش الواحد يبقى متسرع فى الحكم على الحاجات والشخصيات اللى قدامه
ودى كانت نقطه بيحاول الفيلم يلفت انتباهنا ليها بردو
لازم تسمع من الاطراف اللى قدامك قبل ما تفكر تجرحهم بكلمه او تسئ الظن فيهم
بص حواليك كويس 
اكيد فى ناس بيحبوك بس انت مش واخد بالك من وجودهم
او يمكن محاولتش تهتم بيهم

لازم تفكر بهدوء فى كل المشاكل والحلول
اهم حاجه التفكير .. لان ربنا ميز الانسان بالعقل
والعقل موجود عشان نعرف نفكر وندبر ونخطط 
مش عشان نعيش الدنيا بلامبالاه

------------------



ما اعظم ان تكون غائبآ حاضر
بدلا من ان تكون حاضرآ غائب

كانت اخر جمله قالها حلمى فى الفيلم
فعلا ممكن نكون موجودين بين الناس لكن ملناش اهميه
لكن بيبقى احساس حلو اوى لو غبت لحظه ولقيت الناس لحظوا غيابك
ده معناه انك سبت بصمه جوه قلوبهم وده الاهم
والا هتعيش وتموت وكانك معشتش فى الدنيا
ببساطه مش هتلاقى حد يفتكرك 
سواء كنت حاضر او غايب

-----------

كلمه ل " حلمى " ... انت بجد فناااااان
مع ان الفيلم اوله كوميديا رائعه
الا انك خلتنا نبكى فى اخره
صعب انك تخرج من فيلم اليومين دول وتبقى حاسس انك ممكن تغير حياتك من خلال فكره فى فيلم

.....

كانت ولا تزال تبحث عن سبب مجهول

تنظر الى السماء فى الليل وتبتسم للنجوم

تسمع صوت البلابل فتسبح ربها

وتسأل هل من فرج قريب ؟

تعود الى الماضى .. مندهشه الى ما فات

كم من عمر مضى فى انتظار المعجزات ؟

هل حان الوقت للرحيل

او ليس هناك بديل ؟

اسئله كثيره تحيرها .. اسئله بلا جواب

نظره أمل

فى يوم عاصف وممطر كمعظم ايام الشتاء

كنت اسير فى طريقى عابثه متمنيه ان اجد شيئآ يكسر مللى ويغير حياتى

اسير شارده تحت قطرات المطر التى تلمع كالؤلؤ

وجدتها هناك تقف وحيده شارده هى الاخرى

فى يديها لعبتها وقد ابتلت من المطر

على وجهها نظره عابثه وجسمها يهتز من قسوه البرد

: ذهبت إليها وانحنيت وسألتها

لماذا تقفى وحدك هكذا فى المطر يا صغيره ؟

نظرت إلى ولم تتكلم ثم عادت لشرودها

فسألتها مره اخرى

اجابت : لقد ذهب اخى ليجلب لنا الطعام والغطاء منذ الصباح ولم يعد وانا انتظره

فقلت لها : ولماذا تقفين خارج البيت فى المطر فلتنتظريه بالداخل

فأجابت بالرفض وقالت : سأبقى هنا

استوقفتنى كلماتها للحظات ثم سألتها

لماذا ؟ اذا كنتى لا تريدين البقاء وحدك فتعالى معى الى المنزل حتى يتوقف المطر

ولكنها امتنعت ورفضت المجئ

ثم قالت : لقد تركنى هنا وسأظل انتظره هنا

قلت : ربما حدث شئ جعله يتأخر فى العوده فلندخل الان ثم نذهب للبحث عنه بعد توقف المطر

ولكنها امتنعت مره اخرى واجابت غاضبه : لا لم يحدث له شئ

ان الله يحافظ عليه من اجلى فهو المتبقى لى من هذه الدنيا

فسألتها : اين ابوك وامك ؟

اجابت : تركونا ونحن صغار ولم يبقى لى سوى اخى

فنظرت اليها فى نظره عطف وشفقه ولكنها بادلتنى النظرات بنظره غضب

فسألتها : لماذا انتى غاضبه يا صغيره ؟

اجابت : ان لا احتاج لعطفك وشفقتك فانا ما زال لدى اخى

قلت لها : واذا ذهب اخوك

قالت : يبقى لى ربى .. افضل من الدنيا وما فيها

تعجبت من ردها فهى لا تزال صغيره على مثل هذا الكلام والاسلوب

فسكتت لبرهه .. فوجدتها تقول

اذا حدث له شئ فسيكون من تدابير ربى وانا راضيه .. فانا من عباده ولن ينسانى

فقلت لها : وهل ستظلى واقفه هكذا .. بهذه الطريقه ستمرضين

قالت : سأظل انتظر ولن اقطع الامل حتى يأتى

ابتسمت فى وجهها واجبت : حسنا يا صغيره انتظرينى هنا

ثم ذهبت لأجلب لها بعض الحلوى وعندما عدت وجدت اخيها قد عاد هو الاخر

نظرت على وجهها المبتسم والمشرق وابتسمت

فقالت لى : الم اقل لكى ان ربى لن ينسانى

اعطيتها الحلوى واكملت سيرى وانا ابتسم

فلقد علمتنى هذه الصغيره معنى الامل ومعنى الحياه

ونجحنااا السنه دى

الحمد لله بجد

طعم النجاح حلو وخصوصا بعد تعب

مبروك لكل اللى نجحوا السنه دى

حتى لو شالوا مواد

اهى سنين بتتزاح من علينا

افرحوا يا جماعه

وابتدوا حياه جديده من السنه الجايه

اكيد اللى جرب النجاح عمره ما هيتنازل عنه ابدا

إنا لله وإنا إليه لراجعون

انتقلت الى رحمه الله بالامس

والده المدونه ريرى

http://fadfadaalmashi.blogspot.com/

البقاء لله وحده

اللهم أغفر لها و ارحمها و اعفو عنها و أكرمها

اللهم يمن كتاباه و هون حسابها و لين ترابها و ثبت أقدامها و ألهمها حسن الجواب

اللهم طيب ثراها و اكرم مثواها واجعل الجنة مستقرها و مأواها

اللهم آنس وحشتها و ارحم غربتها و قها عذاب القبر و عذاب النار

اللهم نقها من خطاياها كما ينقى الثوب الأبيض من الدنس

اللهم فسح لها في قبرها و اجعله روضة من رياض الجنة و لا تجعله حفرة من حفر النار

امين يارب العالمين

الدفاتر القديمة

ايتها الرفيعه التهذيب والرجعيه الاراء

يا إمرأه تصر أن تكون بين الأرض والسماء

لربما كان من الغباء

أن نفتح الدفاتر القديمه

ونرجع الساعه للوراء

وربما كان من الغفله والغرور

أن يدعى الأنسان أن الارض لا تدور

والحب لا يدور

والغرف الزرقاء بالعشق لا تدور

وربما كان من الغباء

أن نتحدى دوره الفصول ومنطق الاشياء

ونخرج الازهار الحمراء من عبائه الشتاء

وربما كان من الغباء

ايتها الرفيعه التهذيب والرجعيه الاراء

بعد ثلاثين سنه

أن نبدأ الحديث من أوله

فالطائر الذكى لا يكرر الغناء

ماذا تقول...؟؟

ماذا تقول للذين جرحوا قلبك ثم عادوا؟؟

عندما يخذلون أحساسك الجميل ويكسرون أحلامك بقسوه..ويرحلون عنك كالأيام والعمر..وينبت فى قلبك جرح بأتساع الفراغ الذى خلفوه ورائهم ثم تأتى بهم الأيام من جديد

كيف تستقبل عودتهم؟؟...قل لهم

إنك نسيتهم وأدرت لهم ظهر قلبك وأمضى فى الطريق المعاكس لهم..فربما كان هناك فى الجهه الأخرى أناس يستحقونك أكثر منهم

قل لهم

إن المراحل لا تعاد وإنك ذات يوم خلفتهم تمامآ كما خلفوك فى الماضى وإن العمر لا يعود للوراء

قل لهم

إنك لفظت أخر أحلامك بهم حين لفظت قلوبهم وإنك بكيت خلفهم كثيرآ حتى اقتنعت بموتهم وإنك لا تملك قدره إعادتهم للحياه فى قلبك مره أخرى بعد أن أختاروا الموت فيك

قل لهم

إن رحيلهم جعلك تعيد إكتشاف نفسك وإكتشاف الأشياء حولك وإنك أكتشفت أنهم ليسوا أخر المشوار ولا أخر الأحساس ولا الأحلام وإن هناك أشياء مثيره تستحق الحياة لأجلها

قل لهم

لا تقل لهم شيئا...أستقبلهم بصمت فللصمت أحيانا قدره على التعبير عما تعجز الكلمات عن توضيحه